ان كنت عايزه اقول رايي في اللي حصل في مصر بعد مباراه مصر و الجزائر. الحقيقه انا شايفه ان كان فيه تضخيم اعلامي مبالغ فيه جداااا من الطرفين و الله انا مش بهون من حجم الاساءه اللي قام بيها المشجعين الجزائريين في حق المصرين و ربنا يحاسبهم عليه اولا انا عايزه اعقب ان الوطنيه شغل بضمير و اتقان و معامله باخلاق عاليه مش رفع اعلام وبس. انا استغربت جدااا من مذيع كان كل اللي همه هو عمل علم كبير و رفعه في مصر كان ساعتها حاسس ان كده نبقي وطنيين مثلا كانه اختصر الوطنيه في العلم حقيقي انا لا احترم اي بني ادم نفخ في نار الفتنه دي وولعها لان في مليون حاجه ممكن نعملها علشان نعلي بمصر و نقدر ندافع عنها منها مثلا ان احنا نجتهد في شغلنا و نعمل بضمير و نحسن اخلاقنا و نخاف علي بعض .
اللي حصل ده كله مايجيش حاجه جنب القنبله النوويه االي دمرت اليابان تعرفوا ان في اليابان بيعتبروها رب ضاره نافعه ازاي؟؟؟
انهم لاقوا نفسهم كانوا مبددين طاقتهم كلها في حروب وفتن و ماكانوش بياخدوا من وراها غير الدمار لكن القنبله جت فوقتهم و خلتهم يعيدوا حساباتهم و يركزوا طاقاتهم في شيء ينفعهم واديكوا شايفين مين اليابانيين دلوقت .
ذائد ان اكتر حاجه بتعجبني في اليابان احتفاظهم بهويتهم علي عكس كتير من دول العالم العربيه و الغربيه اللي افتكروا ان كل ما تبعد عن دينك و ثقافتك كل لما هتتقدم و ده طبعا اعتقاد اثبت فشله الذريع و هم ابتدوا يجنوا ثمار اللي زرعوه .
خلاصه الكلام ليه ما نبصش علي الجانب الايجابي في الموضوع ده و هو انه فكرنا بوطنيتنا و بحب بلادنا و ليه ما نستفدض من طاقات شبابنا الوطني ده في مشروع قومي مفيد و حتي علي المستوي الفردي ليه ما نوريش للعالم كله مين مصر و مين المصريين اللي بجد بيعملوا بضمير وبيشتغلوا ليل نهار لصنع وطن متقدم متحضر و محافظ علي دينه وقيمه ومبادئه .
و رب ضاره نافعه
اللي حصل ده كله مايجيش حاجه جنب القنبله النوويه االي دمرت اليابان تعرفوا ان في اليابان بيعتبروها رب ضاره نافعه ازاي؟؟؟
انهم لاقوا نفسهم كانوا مبددين طاقتهم كلها في حروب وفتن و ماكانوش بياخدوا من وراها غير الدمار لكن القنبله جت فوقتهم و خلتهم يعيدوا حساباتهم و يركزوا طاقاتهم في شيء ينفعهم واديكوا شايفين مين اليابانيين دلوقت .
ذائد ان اكتر حاجه بتعجبني في اليابان احتفاظهم بهويتهم علي عكس كتير من دول العالم العربيه و الغربيه اللي افتكروا ان كل ما تبعد عن دينك و ثقافتك كل لما هتتقدم و ده طبعا اعتقاد اثبت فشله الذريع و هم ابتدوا يجنوا ثمار اللي زرعوه .
خلاصه الكلام ليه ما نبصش علي الجانب الايجابي في الموضوع ده و هو انه فكرنا بوطنيتنا و بحب بلادنا و ليه ما نستفدض من طاقات شبابنا الوطني ده في مشروع قومي مفيد و حتي علي المستوي الفردي ليه ما نوريش للعالم كله مين مصر و مين المصريين اللي بجد بيعملوا بضمير وبيشتغلوا ليل نهار لصنع وطن متقدم متحضر و محافظ علي دينه وقيمه ومبادئه .
و رب ضاره نافعه
السلام عليكم ورحمه الله وبركاته
ReplyDeleteانا معاكى جدا اننا نستغل حس الوطنيه الى اخدناه ده فى عمل اجابى وانا بصراحه مش مع فكره العلم ولا مع فكره انى اعق شعارات تقول بحبك يا مصر فى الشوارع والميدان لان تاجيرها بيصل لمئات الالف فى الشهر الواحد
بس بجد لازم برضوا يكون فيه رد اعتبار ووقفه مع اى مسئ خصوصا ان مافيش ولا مسؤل جزائرى قدم اى اعتذار شفوى عن الى حصل
اه لازم ناخد حقنا ومانستسلمش بس فى نفس الوقت لازم يجمعنا هدف اكبر من بناء اكبر علم فى مصر
اولا نورتي البلوج يا دودو
ReplyDeleteثانيا ان مش قصدي نستسلم خالص بس بردو مش نرد رد احمق يضيع علينا فضل الايام الجميله اللي كنا فيها و اللي ما حدش حتي افتكرها وسط الجو الاعلامي الغريب ده
انا بقول ناخد موقف بس مش لدرجه قطع علاقات لان في الاول و الاخر احنا مسلمين و مش عايزين نغضب ربنا مننا نشمت اسرائيل فينا و رسولنا الكريم قلنا دعوها فانها منتنه
المهم هو بجد ان الاوان اننا نفوق و نجتمع علي هدف اكبر و اسمي و هو الرقي باخلاقنا و ببلادنا