بالظبط كده انا فعلا من الجيل اللي اضحك عليه اللي قالولوا سيب لغتك العربيه قال هييييييييييييييييييييه
مع اني اصلا مش من المؤيدين لنظريه المؤامره بس المره هي بجد حاسه ان فيه حد من مصلحته انه يقتلع الشباب من جذوره و يحتلنا ثقافيا وخصوصا ان اليومين دول موضه الاحتلال الثقافي بجد عايز تدمر شعب احتله ثقافيا
واول مرحله في الاحتلال الثقافي ده انك تقضي علي لغته ودينه و مبادئه
كانت البدايه في الثمانينات ازاااااااااااااااي؟؟؟؟؟؟
كنت في مره بزور اختي و كنت ساعتها في ثانويه عامه بالضبط في اولي ثانوي و كنت قرفانه من المذاكره وعماله اشتكي لها واقول عندنا 14 ماده ومش عارفه اركز في مذاكره ولا واحده دا كتييير ومش عارفه ايه
المهم هنا زوج اختي سالني ايه اكتر ماده بتكرهي مذاكرتها ؟
قلت : جزء الادب في اللغه العربيه
قال : ليه بس دي اجمل حاجه هي اللغه العربيه وبالاخص الادب
قلت : (وانا كنت علي اخري) طبعا مين يشهد للعروسه ما انت ده جزء من شغلك (لانه بيشتغل في مجال الكتب )
قال : لاء اكيد انتي في حاجه غلط لان الادب ده حاجه جميله اوي وبتسمو بالاخلاق وبترقق الطباع
قلت : ايه ده اخلاق ايه وكلام فاضي ايه ده الادب اللي عندنا كله حفظ وقرف وانا كل مشكلتي اني مش بعرف احفظ حاجه مش فهماها
قال : تعالي معايا انا هوريلك كتاب الوزاره بتاع الادب في الستينات
( علي فكره هو ما شاء الله عنده مكتبه كبيره جدا)
بعد لما شفت الكتاب
قلت : ايه ده ؟ ده غير اللي احنا بندرسه خااااالص لقيت كتاب العربي منظم وحلو وحتي النصوص مشروحه شرح جميل كده ومعاني الكلام خطيرررره ومواطن الجمال في التعبير واضحه ومشروحه حلو اوي اما الادب فكان ولا اروع جميييييل جداان غير القرف اللي كنا بنرسه خالص
قلت : اومال فين العصر العباسي الاول وعوامل اذدهار مش عافه مين والحاجات الدش دي والتواريخ اللي مش ليها علاقه ببعضها واال كل لما اسال المدرس عليها يقولي احفظيها كده ودشيها في الامتحاان
قال : يبقي علي كده اللي بتدرسوه دلوقتي ده مش ادب ده قلت ادب
انا واختي قعدنا نضحك وقولنا اه والله ده قلت ادب فعلا
ملحوظه : كتاب الوزاره اللي ورهولي كان افضل من الكتب الخارجيه اللي بشتريها ميت مره وزي لما قولتلكوا ده كان تقريبا في الستينات
اومااال ايه اللي حصل للغه العربيه؟؟؟؟؟؟؟
من ساعتها وانا حبيت الادب العربي بتاع زمان مش بتاع دلوقتي وبقي بيهديني كتب جميله جدااا
انا بس كلمتكوا عن فرع واحد من اللغه العربيه الحقيقيه الجميله في بوست تاني هبقي احكلكوا عن النحو وتدريسه زمان واد ايه كان جميل واد ايه دلوقت بقي عقده
هنا بيتضح لي ان مثلا راجل معاه الابتدائيه زمان افضل من ميت جامعي مثقف من دلوقتي
حصل عكس الدنيا كلها الناس بتتقدم وتعتز باللغه بتاعتها واحنا نذداد تخلف و ضياع هويه وفقدان انتماء
وبقي اليومين دول اللي بيدعي انه مثقف لازم يعوج لسانه بكلمتين هو غالبا مش عارف ينطقهم صح ولا عارف معناهم
فخرج لينا من المنظومه التجهيليه المتهالكه ده
شبااااااب روووووووووووووووووش طحن
والله يا ساره فعلا احنا محتالين ثقافيا من مده كبيره جدا وده واضح جدا يعنى انا اعتقد ان اى سائح اجنبى هايمشى فى شوارع مصر مش هايحس باى غربه كل المحلات مكتوب اسمها بالانجليزى والاعلانات فى الشارع انجليزى كانهم بيخاطبوا فئه معينه من الناس بس
ReplyDeleteوالفئه التانيه مهمله لانها مابيعرفوش غير العربى باه ناس جاهلله وياريتهم كمان عرفينه صح
وربنا يرحم البلد دى من كتب الوزاره الى عمالين يعقدوا فيها وخلاص بدون ما الطالب يستفيد
معلش هيا محتليين مش محتالين غلطه مطبعيه
ReplyDeleteربنا يهدينايادودو ويهدي حكوماتنا ياااااااااااااااااارب
ReplyDelete